KA THLANG TAWH CHE - 3
KA THLANG TAWH CHE - 3
Sbk Pachuau
Serchhipah hian ka lehkha zir chhûng zawng ka awm lo ang a ni a, ka zir zawh hnu-ah sorkar department pakhat hnuaiah hna ka hmuh ve tak hlauh avangin ka awm nghet ve ta chauh a. Ngaihzâwng pawh pakhat chu ka nei ve tawh a, a bak chu Aizâwl lam mi an ni thung. Tlangval nuam ti tak, hmeichhiat mipatna lamah pawh insûm lem lo ka ni a; a hmeichhia zawk mahin an pawisak loh chuan ka tîm ngai eih lo a, ka mutpui nûal tawh bawk. Amaherawh chu, ka fîmkhur ve viau thung; nula sihhnip nazawng leh awm eu deuh chu ka kawp duh bik lo a, hmeichhiat mipatna-ah insûm lem lo mah ila nun bàwràw leh tal khawlo chu ka ni chuang hauh lo bawk.
Ka ngaihtuahnaa Maremi châm reng mai chu tih reh tumin in aṭang chuan ka chhuak ta ngawt a; ka û scooty chu la chhuakin Venglâi lamah ka tlan thla a, naupan tet aṭanga ka kawm ṭhin Châma te in kawtah chuan dingin a hna kal a haw ka la ring chiah lo naa an inah chuan ka lut ta tho a. Châma nen hian zirna hmun khatah zel lut dunin college pawh phai lamah kan kal dun zel a, kan zir chhuah hnu-in vanneihthlak takin hna kan hmu dun nghal hlauh mai; kei Supply department-ah thawkin ani education department-ah a lut thung. Kawm ṭhin chu nei nûal mah ila amah chauh hi 'ṭhian' ti-a ka chhàl ngam awm chhun a ni a, ani pawhin kei min pawh anga thuk hian tumah a kawm bik lo réng a ni.
Ka rin dan ang chiahin Châma chu a lo la haw lo a, a nau nulâ ve ṭan ék ék tawh, Tete-i'n thingpui min pek ka in lai chuan a lo thleng zui ve mai a. Ka lo ṭhu min hmuh chuan mit ko san akin min nuih suk a, eng mah sawi lovin a room lamah inthlak turin min luhsan ta nghal a. Kan ṭhian dun hi ṭawng tam lutuk kan ni lem lo a, kei ai mahin Châma hi a ṭawngmawh zawk lehnghal a, kan tih fuh châng erawh chuan kan titi tui ve thei phian mai.
A inthlak zawh chuan ka bulah rawn ṭhu-in ka Aizâwl kal chu ka thil tihah ka tluang em tih min zawt a, ka tluang tih hrilhin ka rilru-a ka vei êm êm chu hrilh ka tum zuau a, ka ṭhulh leh ta zawk a. Eng eng emaw sawia kan titi nual hnu chuan zanriah eite a lo hun ta bawk nen zan lama inhmuh leh tumin ka hawsan ta a.
Zanriah kan ei kham fel hnu lawkah Châma a lo thleng a, ka inthlak a, ka inpeih hnu chuan AOC veng lamah kan inphur phei ta nghal a. Châma ngaihzâwng Ruati, zirna avanga phai lama awm reng ṭhin chu a zirna zo felin a lo haw tawh a, hmeichhe fel leh ze zawi dêm mai a ni a, a bula awm a hahdamthlak reuh hle.
Ruati te in kan thlen chuan a dan pangngai tê-in nui sen sen chungin min lo lawm a, a nu leh pate pawhin nelawm takin min lo dawngsawng a. Chhûngkaw ṭha leh invawng fel tak an ni a, inkhawm an ngai pawimawh viau. An in thianghlim leh ropui ang aiin an inah tu pawh an leng halh vek a, ṭi dêka lut pawh tlangnêl takin an awm thuai a, ei leh in chungchângah pawh rualkhâi takin, mi rethei an ni emaw, mi hausa an ni emaw an ei a dang chuang lo. Mi hausa leh changkang takte hmaa an chhawp ang tho kha mi retheite hma-ah an chhawp a, an ina lêng lut rêng rêng an biak ṭhat dan a in-ang vek bawk. An hnena manganga tlu lutte beidawngin an chhuahtir ngai lo a, chhûngkaw harsa leh eizawnna nghet nei lote tan malsawmna an ni fo, an thil tihte midang hriat turin an sawi chhuak ngai hauh lo thung. An ṭawngkam leh hawiherah chapona hmuh tur a awm ngai lo a, an bula awm a hahdamin Isua neitu an nihzia a takin anmahni-ah hmuh tur a awm reng a, an biak Pathianah an chiang hle tih an nunin a lantir hneh hle a ni.
Rei pawh kan la ṭhut hma chuan Ruati nu leh pate chu kalna tur pawimawh an neih avangin an chhuak a, a u tlangval pawh chu min biak luam hnu chuan a chhuak ve ta bawk a, Ruati leh a nau hmeichhia chiah chu an awm ta a. Ruati nau chuan TV a en a, kei pawh chuan Châmate titi zawm ve ta lo chuan ka phone chu ka kheuh kual vel a, ka rilru chu hmun dang daihah a lo awm leh veng veng tawh pek a!
Maremi kha eng vanga a phone number dilna châng hre lo nge maw ka nih le! Keimah leh keimah chu ka inhau ru mawlh mawlh a, ka ngaihtuahna ka lo hmang lo lutuk chu ka inhaw ru hle. Fb-ah lutin a hming ang chu ka'n zawng kual ngawt a, amah taka chu hmuh a har phian; a hming ka hriat chhun lah 'Maremi' tih kha a ni tawp mai si a, a hming ka hriat loh tluk zetin fb-a a indah dan chu ka hre lo tak zet a ni!
Ka rilru-ah thil pakhat a rawn lut zawk a, Zuala number hmet chhuakin ka call ta nghal a. A la thei dawn lo emaw ka tih hnu-ah a rawn la ta hram a, hah hmel takin a la thaw hluam hluam zui!
"I va buai awm ve!" ka'n ti ngawt a.
"Buai tawh lo chiah e; ka nu-in an room light chhia min siamtîr a, rin aiin ka buaipui rei ta phian a, ka bialnu lahin kal har tiin min lo call sek tawh bawk nen hmanhmawh deuhin in chungah ka tlan chho pek maw le! Eng nge i duh leh tak?" la thaw hluam hluam chung chuan a rawn ti a.
Zuala hi a hranpa takin ka kawm êm êm lem lo a, kan thawhna a lo in-ang a, tlangval awm chhun kan nih dun bawk avangin midang ai chuan kan inzui ngun deuh tih chauh a ni. Kan mizia a in-an loh mai bakah ṭawng puat puat chi a ni a, midang chanchin a sawi duh dante hi a hmeichhe thu-hla riau mai ṭhin a, chu chuan thinlung taka pawh thei lovin min siam a, pawn lâng takin ka kawm ti ila a dik ber ang chu!
"Baby-i i be tawh em?" ka ti nghal táwng a, a lo nui hawk a.
"Nang hi kha nu zùnah khan i uai chu a ni em lo maw? Kan haw kawng aṭang tawh khan i dik tawh lo tlat! I vei zui hle emaw tih mai turin an phone number min díl thul, i zia nena inmil lo deuhin i awm a nia!"
Za miah lovin ka lo nui hul hak a.
"Call girl zùna uai chu a chi vak loh a nia, ṭhianpa," Zuala bawk chuan a rawn ti leh lûng lûng a.
"Khawngaihin Baby-i kha min lo biaksak la, a ṭhiannu kha ka be duh tih lo hrilh teh aw! A number min lo dil chhuahsak theih hlauh phei chuan ka lawm ngawt ang," a thil sawi chu sawi zawm duh lovin ka lo ti a.
"Aw le, ka lo be dawn nia. Chutia nang meuhin ti tura min han ngen tak si-ah chuan kan ti lo ngam nang le!" thawveng zetin a rawn ti leh zuah zuah a.
Ruati'n thingpui min pek paha, "Zanin hi i va inla cool ve maw le! I bialnu number 2 nen in inhau leh tawh em ni?" a rawn tih chuan ka lo nui hak a.
Ruati ṭhian pakhat hian tih tak zetin min ngaizâwng mauh mai a, zan khat ka kawp ve zuai vang kha nge ni min beisei zui ta reng a, a mizia leh hawiherah ka duh êm êm chi a ni lem lo nen ka biak ṭhat tha a tho vak ṭhin lo. Ani lah zahna hre lutuk mi a lo ni si lo a, kan inah min rawn lenchilh thul, message leh phone call thlengin tih hreh a nei miah bawk si lo, ka lo kawp ve zauh chu ka inchhir kher mai.
Ruati ṭhiannu ka ti tak naa a ṭhian tak tak pawh a ni bik lo a, Châma ṭhian ka nih avangin Ruati a lo be ṭha a, tunhma lamin an lo inkawm ve zauh tawh ṭhin bawk nen chu chu remchângah la-in a lo va be ṭha viau a ni awm e. Ruati hian 'i bialnu number 2' ti-a a sawi ṭhin avang hian kan ti number 2 ta zel a, min fiamna'n tak an hmang zui a.
Kan haw kawngah chuan AOC vêng leh P&E vêng inkâr, in awm lohna lâiah chuan chawlh ka rawt a, cigarette zuk pahin Châma chu ka rilru-a ka thil vei êm êm chu ka hrilh ta a.
Châma chuan mak tih hmel takin min en vang vang a, eng mah sawi lova eng emaw chen min en hnu chuan a rawn nui chhuak ta hawk a.
"I duhtui viau emaw tia call girl te i lo kawp ve rêng rêng chu le! I sawi hmangah i la vei zui leh ta nghal a," a ṭawng tawp lamah chuan a nui tawh lo.
"Call girl a ni lo! A dinhmunin a zir loh êm avanga nih tum zawk chauh a ni," ka lo ti vat a, a thlavang hauh chu ka ti na kher mai!
"Chu, nih a tum tho chu! Nang a tawng fuh che a, a vanneih phah ta zawk a; chuti ni lo se call girl a ni tawh dawn tihna a ni a. Tunah pawh midang lakah a inzuar mêk lovang tih a hriat miah loh!"
"Teuh lo, chutiang mi a ni lo hrim hrim! Ka pawisa pek hmang khan an la inenkawl thei rih dawn a, buaina leh harsatna nasa lutuk a tawkte a nih ngawt loh chuan a thil tih hreh ngawih ngawih kha a ti nawn duh tawh dawn lo tih ka chiang a ni!" Ka aw chu a chang mah mah a nih pawhin ka pawi sa hauh lo, Maremi ka hmuh dan dik tak a ni miau a, a thlavàng hauh pawh ka ti na réng a ni.
Mahse, ka ngaihtuahna chhûngrilah chuan ka pawisa pek khan rei a daih dawn lo tih ka hre chiang ngang mai. Châma sawi ang tak chu thil thleng thei tho a ni tih pawh ka hria; mahse, ka thinlungin chutiang zâwnga ngaihtuah chu a phal lo a ni ber e.
"Ṭhianpa, amah ka la hmu ve miau lo a, ngaih dan lo siam lawk vak ngaihna ka hre lo. Mahse, heti taka hmeichhia i vei hi ka la hre ngai lo a, amahah eng emaw tak i hmu chu a ni phawt ang a; nichina ka thil sawi kha chu ka hlauhthawnpuina mai chauh che a ni tih i hriat thiam ka ring e," Châma chuan a ti leh boh a.
Ka lû buk nghat pahin, "Ka hre thiam alawm!" ka lo ti vat a.
Ka khuma ka mut hnu pawh chuan muhil mai thei lovin ka ngaihtuahna a la luah tlat mai! Ka muhil thei lo beidawng chuan games khelh tumin ka phone chu ka la a, ka hmeh en chuan missed call leh whatsapp message a awm nual tih chu ka hmu a, ngaihsak zui lem lovin chess chu ka khel nghal a. Ka thil khelhah pawh chuan ka rilru ka pe leh thei chuang lo, ka khelh tui loh êm avang chuan ka ti lui peih ta lo a.
Missed call lo awmho chu ka check a, ka bialnu ve deuh Sangbawihi leh number ka save loh pakhat aṭangin a lo ni a. Ka 'bialnu ve deuh' ka tihna chhan pawh ni ang reng, ni lo ang reng hian kan awm a, bialnu dangte ka'n neihsan lawp lawp a, ani pawhin mipa dang a kawp ṭhin tih ka hre tho bawk. Kei phei chuan ka be hmasa ngai lem lo a, amah zawk hian message leh phone call hmang te-in min rawn bia a, a zei bawk a, mi han tih vel dan pawh a thiam khawp mai. Call let pawh tum chuang lovin whatsapp-ah ka lut a, message eng emaw zah a lo awm a, Sangbawihi pawhin a lo thawn thlum leh pek khawp mai, ka en thuak a, chhan loh ai tiin ṭawngkam hnih khat lekin ka chhâng a, message dang ka check san leh ta daih a.
Ṭhianho groupah an lo nawi lehpek viau mai, ka chhiar nial nual a, ka clear a, department group leh group pahnih khata chat pawh a lo ṭhahnem viau; chungho chu chhiar lem lovin ka clear vek a, private number pakhat aṭanga message lo thleng thar awm chu ka hawng nghal a.
"Min be duh em ni?"
Chute mai chu! A dp a lang thei bawk si lo, tu tak ni ang maw?
Ka thluak a vir zawk a, zan rei pawh sawi lovin a number chu la chhuakin ka call ta nghal a.
"Hello.."
Ka hriat duh tak aw-in min rawn chhawn takah chuan ka lungphû chu a rang nghal dawt dawt thei nia!
"Marem.."
"Imm..."
Biak chàkin, a number neih tumin ka phî rûai kha a ni a, kan han inbe thei ta chéng a, sawi tur mang bar ka hre leh hauh lawi si lo! Zahzelah a nu chanchin ka zawt ta ngawt a.
"Zanin chu a chau riau mai a, eng nge kan an zel dawn ni! Chhun lamah kha chuan a la harh ṭha viau a, thim hlim vel aṭang khan a meng ṭha peih ta vak lo a," a ti zuai raih a, ka lo khawngaih leh hmanhmawh pek tawh nia!
"Nangmahin em ni i la awmpui?"
"Ni lo e, nichin deuh lawk khan ka putea leh ka nutei an lo thleng a."
Ka thinlung chuan a bula awma, hnem tura a kut vawnsaka ka âwm nghenga kuah vawng vawng mai a lo duh fel leh der tawh a! Ni hnih vel awrh chauh kan la inhria a, chuti chung chuan rei tak ka lo hriat tawh ang maiin ka ngaihtuahna a chenchilh a, ka tih ngai miah loh danin a number neih tumin ka buai hle bawk a nih kha! He nu hian eng vanga min hipbet tlat nge a niha eng vanga ka ngaihtuahna ti buai tlat nge a nih tih hi ka hre thiam pha lo a ni.
"Awm ve dang an awm chuan a zia hlauh chu!"
"Ni e, ka mangangin lo kal turin ka phone tawp a, an lo kal a, ka thlâ a muan phah lutuk!"
"Aizawlah la awm ila, rawn kal ve ila ṭha tur a nia; ka awmna a hla deuh si a," ka'n ti ngawt a.
"Lo kal a ngai lo, min puihna kha kan tân a hlu lutuk! Ka theihnghilh tawh ngai lo ang che..."
"Min theihnghilh miah suh!" a thil sawi lai pawt chatin ka lo ti vat a, kan nui duh hak hak a, ka rilru tak erawh chuan min theihnghilh lo tak tak se ka ti niin ka inhria!
"Baby-i'n min biak i duh tih min hrilh a, ka nu ka buaipui vangin ka lo be hma thei lo che a," a rawn ti leh a.
"I number ka dil a, a phal lo tlat alawm le! Khatianga ka chah mai loh chuan ka be thei si lo che a," ka lo ti deuh hmuk a, ani erawh a rawn nui hak a.
"Kan inhmuh dan kha i hria ang a, khatiang zawnga min rawn be leh turah a lo ngai deuh che a ni ang e! Khatiang thil kha ka ti leh duh tawh dawn lo a ni tih ka hrilh a, min lo fimkhurpui ve a nih dawn chu."
A thil sawi chuan ka chhûngrilah hlimna a rawn thlen a, ka tan eng ni lo mah se call girl atan chuan ka lo phal lo ve tawp mai a ni.
Kan inbiak zawh hnu pawh chuan ka la muhil thei lawk lo a; Maremi dinhmun chu ka ngaihtuah nauh nauh a, ka khawngaih hle mai. Kan chhûng hnai a ni lo a, ka ṭhian a ni lo a, ka ngaihzâwng a ni hek lo; mahse, ka khawngaih dan chu a satliah hauh si lo. A sawi hmangah khan a nu-in a boralsan a nih hlauh chuan a laizâwn chiah kha a chhûngkaw neih chhun a ni tawh mai dawn a, a putea fapa kha an bula a chen zui zel chuan ani nen pathum an ni tlawng mai dawn a ni. Chhûng leh khat hnaivai chu awm neuh neuh mah se han belh tlak vak bik an ni hlawm lo ni awm tak a ni a, a nau lah kha enkawl ngai reng a ni bawk nen a mal zual hle dawn a ni tihte thleng chuan ka ngaihtuah a.
A tuk zîng ka tho chu ka lû a na bûr a, ka muhil mai thei lovin phone ka khawih bakah khawvar dawn hnaihah chauh ka muthilh avangin ka mit chu a thial urh a, office chawlh ni se zawng tukṭhuan ei lovin ka mu tlang chiang khawp ang le!
"I bialnu chuan a rawn be ta che em? A ṭhiannu hnenah ka chah kha aw."
Ka ṭhutna ka pan laiin Zuala chuan a rawn ti lùng lùng a, ṭawngkâ-a chhâng lovin ka lû ka lo buk khum zauh ringawt a.
"Aizâwl kal leh a chawh riau lo maw? Kan zu kal dun leh dawn em ni ang?" Ka ṭhutna bulah rawn kalin a ti leh a, chhâng chuang lovin ka lo nui mai a.
"Ka kawppuinu tê kha a zei riau a, ka ck-pui leh chak asin! Remchângah kawm leh ka duh a ni," tlêma a aw ti zawi deuhin a rawn ti leh a. "I kawpnu pawh kha a khal ṭhat reuh kha! A hmêl pawh kha a chhe lo riauvin ka hria, ka hmu chiang lutuk hman lo naa a no nalh tlat! A zei phian lo maw?" a tih zawm leh zat a.
"A zei leh zei loh hre turin ka mutpui hlei nem," ka tih chuan awih lo tih hriat zetin a ner nâng a.
A titi vawrh duh dan chu ka nin deuh avangin hna ka thawhsan ta daih a, a ṭawng zui barh barh reng a, ka chhan ṭhat tha a tho lem lo bawk nen ngawi rengin ka ngaithla tawp a, buai awm deuha ka inlantir takah chuan a ṭhutna lamah min pheisan ve ta hram a.
Sbk Pachuau
Serchhipah hian ka lehkha zir chhûng zawng ka awm lo ang a ni a, ka zir zawh hnu-ah sorkar department pakhat hnuaiah hna ka hmuh ve tak hlauh avangin ka awm nghet ve ta chauh a. Ngaihzâwng pawh pakhat chu ka nei ve tawh a, a bak chu Aizâwl lam mi an ni thung. Tlangval nuam ti tak, hmeichhiat mipatna lamah pawh insûm lem lo ka ni a; a hmeichhia zawk mahin an pawisak loh chuan ka tîm ngai eih lo a, ka mutpui nûal tawh bawk. Amaherawh chu, ka fîmkhur ve viau thung; nula sihhnip nazawng leh awm eu deuh chu ka kawp duh bik lo a, hmeichhiat mipatna-ah insûm lem lo mah ila nun bàwràw leh tal khawlo chu ka ni chuang hauh lo bawk.
Ka ngaihtuahnaa Maremi châm reng mai chu tih reh tumin in aṭang chuan ka chhuak ta ngawt a; ka û scooty chu la chhuakin Venglâi lamah ka tlan thla a, naupan tet aṭanga ka kawm ṭhin Châma te in kawtah chuan dingin a hna kal a haw ka la ring chiah lo naa an inah chuan ka lut ta tho a. Châma nen hian zirna hmun khatah zel lut dunin college pawh phai lamah kan kal dun zel a, kan zir chhuah hnu-in vanneihthlak takin hna kan hmu dun nghal hlauh mai; kei Supply department-ah thawkin ani education department-ah a lut thung. Kawm ṭhin chu nei nûal mah ila amah chauh hi 'ṭhian' ti-a ka chhàl ngam awm chhun a ni a, ani pawhin kei min pawh anga thuk hian tumah a kawm bik lo réng a ni.
Ka rin dan ang chiahin Châma chu a lo la haw lo a, a nau nulâ ve ṭan ék ék tawh, Tete-i'n thingpui min pek ka in lai chuan a lo thleng zui ve mai a. Ka lo ṭhu min hmuh chuan mit ko san akin min nuih suk a, eng mah sawi lovin a room lamah inthlak turin min luhsan ta nghal a. Kan ṭhian dun hi ṭawng tam lutuk kan ni lem lo a, kei ai mahin Châma hi a ṭawngmawh zawk lehnghal a, kan tih fuh châng erawh chuan kan titi tui ve thei phian mai.
A inthlak zawh chuan ka bulah rawn ṭhu-in ka Aizâwl kal chu ka thil tihah ka tluang em tih min zawt a, ka tluang tih hrilhin ka rilru-a ka vei êm êm chu hrilh ka tum zuau a, ka ṭhulh leh ta zawk a. Eng eng emaw sawia kan titi nual hnu chuan zanriah eite a lo hun ta bawk nen zan lama inhmuh leh tumin ka hawsan ta a.
Zanriah kan ei kham fel hnu lawkah Châma a lo thleng a, ka inthlak a, ka inpeih hnu chuan AOC veng lamah kan inphur phei ta nghal a. Châma ngaihzâwng Ruati, zirna avanga phai lama awm reng ṭhin chu a zirna zo felin a lo haw tawh a, hmeichhe fel leh ze zawi dêm mai a ni a, a bula awm a hahdamthlak reuh hle.
Ruati te in kan thlen chuan a dan pangngai tê-in nui sen sen chungin min lo lawm a, a nu leh pate pawhin nelawm takin min lo dawngsawng a. Chhûngkaw ṭha leh invawng fel tak an ni a, inkhawm an ngai pawimawh viau. An in thianghlim leh ropui ang aiin an inah tu pawh an leng halh vek a, ṭi dêka lut pawh tlangnêl takin an awm thuai a, ei leh in chungchângah pawh rualkhâi takin, mi rethei an ni emaw, mi hausa an ni emaw an ei a dang chuang lo. Mi hausa leh changkang takte hmaa an chhawp ang tho kha mi retheite hma-ah an chhawp a, an ina lêng lut rêng rêng an biak ṭhat dan a in-ang vek bawk. An hnena manganga tlu lutte beidawngin an chhuahtir ngai lo a, chhûngkaw harsa leh eizawnna nghet nei lote tan malsawmna an ni fo, an thil tihte midang hriat turin an sawi chhuak ngai hauh lo thung. An ṭawngkam leh hawiherah chapona hmuh tur a awm ngai lo a, an bula awm a hahdamin Isua neitu an nihzia a takin anmahni-ah hmuh tur a awm reng a, an biak Pathianah an chiang hle tih an nunin a lantir hneh hle a ni.
Rei pawh kan la ṭhut hma chuan Ruati nu leh pate chu kalna tur pawimawh an neih avangin an chhuak a, a u tlangval pawh chu min biak luam hnu chuan a chhuak ve ta bawk a, Ruati leh a nau hmeichhia chiah chu an awm ta a. Ruati nau chuan TV a en a, kei pawh chuan Châmate titi zawm ve ta lo chuan ka phone chu ka kheuh kual vel a, ka rilru chu hmun dang daihah a lo awm leh veng veng tawh pek a!
Maremi kha eng vanga a phone number dilna châng hre lo nge maw ka nih le! Keimah leh keimah chu ka inhau ru mawlh mawlh a, ka ngaihtuahna ka lo hmang lo lutuk chu ka inhaw ru hle. Fb-ah lutin a hming ang chu ka'n zawng kual ngawt a, amah taka chu hmuh a har phian; a hming ka hriat chhun lah 'Maremi' tih kha a ni tawp mai si a, a hming ka hriat loh tluk zetin fb-a a indah dan chu ka hre lo tak zet a ni!
Ka rilru-ah thil pakhat a rawn lut zawk a, Zuala number hmet chhuakin ka call ta nghal a. A la thei dawn lo emaw ka tih hnu-ah a rawn la ta hram a, hah hmel takin a la thaw hluam hluam zui!
"I va buai awm ve!" ka'n ti ngawt a.
"Buai tawh lo chiah e; ka nu-in an room light chhia min siamtîr a, rin aiin ka buaipui rei ta phian a, ka bialnu lahin kal har tiin min lo call sek tawh bawk nen hmanhmawh deuhin in chungah ka tlan chho pek maw le! Eng nge i duh leh tak?" la thaw hluam hluam chung chuan a rawn ti a.
Zuala hi a hranpa takin ka kawm êm êm lem lo a, kan thawhna a lo in-ang a, tlangval awm chhun kan nih dun bawk avangin midang ai chuan kan inzui ngun deuh tih chauh a ni. Kan mizia a in-an loh mai bakah ṭawng puat puat chi a ni a, midang chanchin a sawi duh dante hi a hmeichhe thu-hla riau mai ṭhin a, chu chuan thinlung taka pawh thei lovin min siam a, pawn lâng takin ka kawm ti ila a dik ber ang chu!
"Baby-i i be tawh em?" ka ti nghal táwng a, a lo nui hawk a.
"Nang hi kha nu zùnah khan i uai chu a ni em lo maw? Kan haw kawng aṭang tawh khan i dik tawh lo tlat! I vei zui hle emaw tih mai turin an phone number min díl thul, i zia nena inmil lo deuhin i awm a nia!"
Za miah lovin ka lo nui hul hak a.
"Call girl zùna uai chu a chi vak loh a nia, ṭhianpa," Zuala bawk chuan a rawn ti leh lûng lûng a.
"Khawngaihin Baby-i kha min lo biaksak la, a ṭhiannu kha ka be duh tih lo hrilh teh aw! A number min lo dil chhuahsak theih hlauh phei chuan ka lawm ngawt ang," a thil sawi chu sawi zawm duh lovin ka lo ti a.
"Aw le, ka lo be dawn nia. Chutia nang meuhin ti tura min han ngen tak si-ah chuan kan ti lo ngam nang le!" thawveng zetin a rawn ti leh zuah zuah a.
Ruati'n thingpui min pek paha, "Zanin hi i va inla cool ve maw le! I bialnu number 2 nen in inhau leh tawh em ni?" a rawn tih chuan ka lo nui hak a.
Ruati ṭhian pakhat hian tih tak zetin min ngaizâwng mauh mai a, zan khat ka kawp ve zuai vang kha nge ni min beisei zui ta reng a, a mizia leh hawiherah ka duh êm êm chi a ni lem lo nen ka biak ṭhat tha a tho vak ṭhin lo. Ani lah zahna hre lutuk mi a lo ni si lo a, kan inah min rawn lenchilh thul, message leh phone call thlengin tih hreh a nei miah bawk si lo, ka lo kawp ve zauh chu ka inchhir kher mai.
Ruati ṭhiannu ka ti tak naa a ṭhian tak tak pawh a ni bik lo a, Châma ṭhian ka nih avangin Ruati a lo be ṭha a, tunhma lamin an lo inkawm ve zauh tawh ṭhin bawk nen chu chu remchângah la-in a lo va be ṭha viau a ni awm e. Ruati hian 'i bialnu number 2' ti-a a sawi ṭhin avang hian kan ti number 2 ta zel a, min fiamna'n tak an hmang zui a.
Kan haw kawngah chuan AOC vêng leh P&E vêng inkâr, in awm lohna lâiah chuan chawlh ka rawt a, cigarette zuk pahin Châma chu ka rilru-a ka thil vei êm êm chu ka hrilh ta a.
Châma chuan mak tih hmel takin min en vang vang a, eng mah sawi lova eng emaw chen min en hnu chuan a rawn nui chhuak ta hawk a.
"I duhtui viau emaw tia call girl te i lo kawp ve rêng rêng chu le! I sawi hmangah i la vei zui leh ta nghal a," a ṭawng tawp lamah chuan a nui tawh lo.
"Call girl a ni lo! A dinhmunin a zir loh êm avanga nih tum zawk chauh a ni," ka lo ti vat a, a thlavang hauh chu ka ti na kher mai!
"Chu, nih a tum tho chu! Nang a tawng fuh che a, a vanneih phah ta zawk a; chuti ni lo se call girl a ni tawh dawn tihna a ni a. Tunah pawh midang lakah a inzuar mêk lovang tih a hriat miah loh!"
"Teuh lo, chutiang mi a ni lo hrim hrim! Ka pawisa pek hmang khan an la inenkawl thei rih dawn a, buaina leh harsatna nasa lutuk a tawkte a nih ngawt loh chuan a thil tih hreh ngawih ngawih kha a ti nawn duh tawh dawn lo tih ka chiang a ni!" Ka aw chu a chang mah mah a nih pawhin ka pawi sa hauh lo, Maremi ka hmuh dan dik tak a ni miau a, a thlavàng hauh pawh ka ti na réng a ni.
Mahse, ka ngaihtuahna chhûngrilah chuan ka pawisa pek khan rei a daih dawn lo tih ka hre chiang ngang mai. Châma sawi ang tak chu thil thleng thei tho a ni tih pawh ka hria; mahse, ka thinlungin chutiang zâwnga ngaihtuah chu a phal lo a ni ber e.
"Ṭhianpa, amah ka la hmu ve miau lo a, ngaih dan lo siam lawk vak ngaihna ka hre lo. Mahse, heti taka hmeichhia i vei hi ka la hre ngai lo a, amahah eng emaw tak i hmu chu a ni phawt ang a; nichina ka thil sawi kha chu ka hlauhthawnpuina mai chauh che a ni tih i hriat thiam ka ring e," Châma chuan a ti leh boh a.
Ka lû buk nghat pahin, "Ka hre thiam alawm!" ka lo ti vat a.
Ka khuma ka mut hnu pawh chuan muhil mai thei lovin ka ngaihtuahna a la luah tlat mai! Ka muhil thei lo beidawng chuan games khelh tumin ka phone chu ka la a, ka hmeh en chuan missed call leh whatsapp message a awm nual tih chu ka hmu a, ngaihsak zui lem lovin chess chu ka khel nghal a. Ka thil khelhah pawh chuan ka rilru ka pe leh thei chuang lo, ka khelh tui loh êm avang chuan ka ti lui peih ta lo a.
Missed call lo awmho chu ka check a, ka bialnu ve deuh Sangbawihi leh number ka save loh pakhat aṭangin a lo ni a. Ka 'bialnu ve deuh' ka tihna chhan pawh ni ang reng, ni lo ang reng hian kan awm a, bialnu dangte ka'n neihsan lawp lawp a, ani pawhin mipa dang a kawp ṭhin tih ka hre tho bawk. Kei phei chuan ka be hmasa ngai lem lo a, amah zawk hian message leh phone call hmang te-in min rawn bia a, a zei bawk a, mi han tih vel dan pawh a thiam khawp mai. Call let pawh tum chuang lovin whatsapp-ah ka lut a, message eng emaw zah a lo awm a, Sangbawihi pawhin a lo thawn thlum leh pek khawp mai, ka en thuak a, chhan loh ai tiin ṭawngkam hnih khat lekin ka chhâng a, message dang ka check san leh ta daih a.
Ṭhianho groupah an lo nawi lehpek viau mai, ka chhiar nial nual a, ka clear a, department group leh group pahnih khata chat pawh a lo ṭhahnem viau; chungho chu chhiar lem lovin ka clear vek a, private number pakhat aṭanga message lo thleng thar awm chu ka hawng nghal a.
"Min be duh em ni?"
Chute mai chu! A dp a lang thei bawk si lo, tu tak ni ang maw?
Ka thluak a vir zawk a, zan rei pawh sawi lovin a number chu la chhuakin ka call ta nghal a.
"Hello.."
Ka hriat duh tak aw-in min rawn chhawn takah chuan ka lungphû chu a rang nghal dawt dawt thei nia!
"Marem.."
"Imm..."
Biak chàkin, a number neih tumin ka phî rûai kha a ni a, kan han inbe thei ta chéng a, sawi tur mang bar ka hre leh hauh lawi si lo! Zahzelah a nu chanchin ka zawt ta ngawt a.
"Zanin chu a chau riau mai a, eng nge kan an zel dawn ni! Chhun lamah kha chuan a la harh ṭha viau a, thim hlim vel aṭang khan a meng ṭha peih ta vak lo a," a ti zuai raih a, ka lo khawngaih leh hmanhmawh pek tawh nia!
"Nangmahin em ni i la awmpui?"
"Ni lo e, nichin deuh lawk khan ka putea leh ka nutei an lo thleng a."
Ka thinlung chuan a bula awma, hnem tura a kut vawnsaka ka âwm nghenga kuah vawng vawng mai a lo duh fel leh der tawh a! Ni hnih vel awrh chauh kan la inhria a, chuti chung chuan rei tak ka lo hriat tawh ang maiin ka ngaihtuahna a chenchilh a, ka tih ngai miah loh danin a number neih tumin ka buai hle bawk a nih kha! He nu hian eng vanga min hipbet tlat nge a niha eng vanga ka ngaihtuahna ti buai tlat nge a nih tih hi ka hre thiam pha lo a ni.
"Awm ve dang an awm chuan a zia hlauh chu!"
"Ni e, ka mangangin lo kal turin ka phone tawp a, an lo kal a, ka thlâ a muan phah lutuk!"
"Aizawlah la awm ila, rawn kal ve ila ṭha tur a nia; ka awmna a hla deuh si a," ka'n ti ngawt a.
"Lo kal a ngai lo, min puihna kha kan tân a hlu lutuk! Ka theihnghilh tawh ngai lo ang che..."
"Min theihnghilh miah suh!" a thil sawi lai pawt chatin ka lo ti vat a, kan nui duh hak hak a, ka rilru tak erawh chuan min theihnghilh lo tak tak se ka ti niin ka inhria!
"Baby-i'n min biak i duh tih min hrilh a, ka nu ka buaipui vangin ka lo be hma thei lo che a," a rawn ti leh a.
"I number ka dil a, a phal lo tlat alawm le! Khatianga ka chah mai loh chuan ka be thei si lo che a," ka lo ti deuh hmuk a, ani erawh a rawn nui hak a.
"Kan inhmuh dan kha i hria ang a, khatiang zawnga min rawn be leh turah a lo ngai deuh che a ni ang e! Khatiang thil kha ka ti leh duh tawh dawn lo a ni tih ka hrilh a, min lo fimkhurpui ve a nih dawn chu."
A thil sawi chuan ka chhûngrilah hlimna a rawn thlen a, ka tan eng ni lo mah se call girl atan chuan ka lo phal lo ve tawp mai a ni.
Kan inbiak zawh hnu pawh chuan ka la muhil thei lawk lo a; Maremi dinhmun chu ka ngaihtuah nauh nauh a, ka khawngaih hle mai. Kan chhûng hnai a ni lo a, ka ṭhian a ni lo a, ka ngaihzâwng a ni hek lo; mahse, ka khawngaih dan chu a satliah hauh si lo. A sawi hmangah khan a nu-in a boralsan a nih hlauh chuan a laizâwn chiah kha a chhûngkaw neih chhun a ni tawh mai dawn a, a putea fapa kha an bula a chen zui zel chuan ani nen pathum an ni tlawng mai dawn a ni. Chhûng leh khat hnaivai chu awm neuh neuh mah se han belh tlak vak bik an ni hlawm lo ni awm tak a ni a, a nau lah kha enkawl ngai reng a ni bawk nen a mal zual hle dawn a ni tihte thleng chuan ka ngaihtuah a.
A tuk zîng ka tho chu ka lû a na bûr a, ka muhil mai thei lovin phone ka khawih bakah khawvar dawn hnaihah chauh ka muthilh avangin ka mit chu a thial urh a, office chawlh ni se zawng tukṭhuan ei lovin ka mu tlang chiang khawp ang le!
"I bialnu chuan a rawn be ta che em? A ṭhiannu hnenah ka chah kha aw."
Ka ṭhutna ka pan laiin Zuala chuan a rawn ti lùng lùng a, ṭawngkâ-a chhâng lovin ka lû ka lo buk khum zauh ringawt a.
"Aizâwl kal leh a chawh riau lo maw? Kan zu kal dun leh dawn em ni ang?" Ka ṭhutna bulah rawn kalin a ti leh a, chhâng chuang lovin ka lo nui mai a.
"Ka kawppuinu tê kha a zei riau a, ka ck-pui leh chak asin! Remchângah kawm leh ka duh a ni," tlêma a aw ti zawi deuhin a rawn ti leh a. "I kawpnu pawh kha a khal ṭhat reuh kha! A hmêl pawh kha a chhe lo riauvin ka hria, ka hmu chiang lutuk hman lo naa a no nalh tlat! A zei phian lo maw?" a tih zawm leh zat a.
"A zei leh zei loh hre turin ka mutpui hlei nem," ka tih chuan awih lo tih hriat zetin a ner nâng a.
A titi vawrh duh dan chu ka nin deuh avangin hna ka thawhsan ta daih a, a ṭawng zui barh barh reng a, ka chhan ṭhat tha a tho lem lo bawk nen ngawi rengin ka ngaithla tawp a, buai awm deuha ka inlantir takah chuan a ṭhutna lamah min pheisan ve ta hram a.
Comments
Post a Comment