KA TAWNMANG

KA THLANG TAWH CHE - 3 Sbk Pachuau      Serchhipah hian ka lehkha zir chhûng zawng ka awm lo ang a ni a, ka zir zawh hnu-ah sorkar department pakhat hnuaiah hna ka hmuh ve tak hlauh avangin ka awm nghet ve ta chauh a. Ngaihzâwng pawh pakhat chu ka nei ve tawh a, a bak chu Aizâwl lam mi an ni thung. Tlangval nuam ti tak, hmeichhiat mipatna lamah pawh insûm lem lo ka ni a; a hmeichhia zawk mahin an pawisak loh chuan ka tîm ngai eih lo a, ka mutpui nûal tawh bawk. Amaherawh chu, ka fîmkhur ve viau thung; nula sihhnip nazawng leh awm eu deuh chu ka kawp duh bik lo a, hmeichhiat mipatna-ah insûm lem lo mah ila nun bàwràw leh tal khawlo chu ka ni chuang hauh lo bawk.      Ka ngaihtuahnaa Maremi châm reng mai chu tih reh tumin in aṭang chuan ka chhuak ta ngawt a; ka û scooty chu la chhuakin Venglâi lamah ka tlan thla a, naupan tet aṭanga ka kawm ṭhin Châma te in kawtah chuan dingin a hna kal a haw ka la ring chiah lo naa an inah chuan ka lut ta tho a. Châm...

KA THLANG TAWH CHE - 2 Sbk Pachuau     Theih ang angin an han inenkawl chho ve ta mawp mawp a, an pawisa neih ang angte chu an hmangin a nu dam theihna turin Maremi chu a theih tawp tak meuh meuhin a ṭang a. La naupang hle mah se a kova engkim a tlak takah chuan a puitling phian reuh a, a hunawl neih chhunah thawmhnaw a la zuar zel a, college pawh a ṭhulh ta fo mai. Mahse, an lecturer-te chuan a dinhmun an hre chiang a, a attendance-in phak lo mah se exam thei turin an lo ti hlauh a, 2nd semester chu a zo ve thei ta mai a. Tunah 3rd semester a ni mêk a, a nu dinhmun a ṭhat loh bakah a nau enkawl lo ngai bawk nen  class a kal aiin a kal loh a tam zawk mah a.      A nu a ṭhat loh tak viau-ah chuan Maremi pawh sumdawnna lam ngaihtuah hmanin a awm ta lo a, a nu leh a nau chu a kutah an awm tlat mai si, an chhungkhat hnaivai deuhte chu awm ve thliah mah se an inpui reng thei bik si lo a, mawng pawh hûng hman lova a buai nilen ṭum pawh a awm ta zauh zauh ...

KA THLANG TAWH CHE 1 Sbk Pachuau      A ṭawng zâwng chuan a thil in rim chu a rawn nam leh hak ṭhin a, min biak kâr lakah a bula ding a ṭhiannu chu a va bekbawr leh zeuh zeuh bawk a.      Min betu chu  ngo lutuk a ni lo naa, a hmaifang a chhe lo reuh hle; a incheina chu a man a to hmel vak loh ang aiin a inhmeh phian thung. Hmai hnawih eng ilo erawh ka duh aiin a hmang uar lam hret a, a inhnawih chhahin a inhnawih dûr mah mah a, ka mit a la nep riau. Min han biak vel danah chuan mipa kawm ṭhang tih hi a hriat hliah hliah a, a ṭhiannu erawh a hawiherah ringawt chuan zakzum leh la ti ṭhang lo ni awm takin a lang thung.      "I duhthusam chuan a zei vak lo pawh a ni thei; mahse, a vawikhatna tur a ni a, mipa tan chu baka ṭha han beisei tur a awm thei tawh lo ang," a ṭhiannu melh zauh pah chuan a ti leh sar sar a.      Ka ṭhianpa phone hmang zo lo let leh chu ka bulah a rawn ding a, "Kal nghal mai ang u hmiang, ro...