BEISEINA - 4
Beiseina...!!
Sbk Pachuau
Chapter 4
Zingkârah chuan kan inentîr ta ngei a, ka zun leh thisente test turin an la a, ka khawsik huna eitur damdawi min chawh a, test result chhuah huna kal leh turin kan haw ta a.
Ka khawsik chu a ziaawm chhoh takah chuan ka lawm hle a, tunhmâ-in khatiang ëm êma nasa khan ka khûa a la sik ngai lova, ka khawsik lâia ka awmdan kha hrehawm ka tih êm avangin sik tawh lo hram se ka ti hle a ni.
Chawhnu lamah chuan thilte eiin ka inbûal a, ka zia chho zel tura ngaiin ka nu chu a lawm hle a. Ka u Marini leh ka pa pawh chuan min ngaihtuah deuh avangin office aṭangin min rawn bia a, ka khawsik a awm rih loh thu ka lo hrilh chuan an lawm ve hle a, chhûngkuaa naupang ber ka nih vang hian duat rawn leh ngaihtuah rawn hi ka ni ve tlat a ni.
Kan unâu hi pathum niin kan upa ber mipa a ni a, Higher secondary-ah thawkin Serchhipah a awm mêk a, Aizâwla a awm ve theih hun kan nghakhlel ve hle a. Ka pa hian a hmelhriat leh ṭhianṭhate kaltlangin a duh phawt chuan a sawntîr thei a, corruption chikhat a ni a tih tlat avangin sorkâr-in a sawn hun kan nghak tawp mai ani.
Ka u Marini chuan B.A a zawh rualin hna a zawng nghal a, PHE department-in LDC an lak tur chu dil ve-in a tling ve hlauh a. Eng emaw chen LDC hna a thawh hnu-in la thawk reng chung chuan UDC exam a bei ve a, vanneihthlak takin a inziak tling ve hlauh a, tunah hian UDC niin PHE office pui ber Tuikhuahtlângah a thawk mêk a ni.
Ka pa hi High school headmaster niin a pension ve ṭep tawh a, ka nu erawh inchhûng enkawltu niin engkim a ti a, a fate min enkawl bakah a pasal a tilawm reng thei bawk a. Ka pa hi a zahthiam hle a, kan naupanlâi aṭanga tunhnu thleng hian ka pa nena thinur hmaisena an inhauh hi ka la hre lo a ni.
Zana Hriatzuala nena kan inbiak chuan exam a neih dawn avangin kan inbe rei lova, ka ṭha em tia min zawh chuan a hma zana ka khawsik chungchâng pawh chu ka hrilh duh ta lova. Kan inbe rei emaw rei lo emaw keimahah danglamna a awm lem lova, a chhan chu, engtik lâi mai pawh hian ka ngâi lutuk tlat tawh a ni!
A zirlâiah insawrbing a duh vanga min rawn biak khat deuh tur thu a sawi chuan ka lunghnûr ru vîau a, lehlamah a zirlâi ṭha takin zir se tih chu ka duhthusam a ni lawi bawk si a. Kan inbiak loh chhûnga ka ngaih turzia erawh hrilh lo turin ka insûm thei hram a.
Nihnih lâi chu ka khawsik a awm leh ta lova, a reh mai turah ngâiin ka lawm hle a, ka thisen leh zun an testna result a ṭha vek bawk nen ka dam chho zel turah ka ngai a. Taksa han chauh deuh thut leh nuam lo ser ser chu nei ṭhin mah ila a nasat lem loh avangin ka chhûngte pawh ka hrilh duh lem lova.
Min be khât deuh tawh dawn nia insawi si kha min be lovin a awm thei bik lo nge min rawn be reng tho a, kei lahin ka lo thlahlel ve tho bawk si nen kan inbe leh reng zel a, a zirlâi a tihchhiat phah ang tih erawh chu ka hlau angreng hle a.
"I zirlâi i tihchhiat phah hlauh ang e aw! In exam chhûng chu inbe tam lo deuh ila a pawi miah lo a nia," ka tih chuan a thaw hawk ri chu ka hre thei a.
"Ka thiam thawkhat tawh alawm. Chubakah, i aw hre lova rei tak awm ka duh lo!" a rawn ti sup a.
"I thiam tawh chuan a ṭha alawm! Mahse, kan inbiak hun chhûng ang hi zir belhnan hmang ta zawk la i tiṭha zual dawn asin!"
"Min be chak vak lo a nih chuan sawi tlang mai la, khatia chhuanlam siamkual lo khan," a rawn tih tak hmukah chuan ka thil sawi chu a ngai dik lo tih ka hrethiam nghal mai a.
"Ka biak chak loh vang che a ni lova, i zirlâi tibuaitu nih ka hlauh vang chauh zawka sawi ka ni e," ka lo ti vat a.
"Aw le, a ṭha alawm. Ka lehkhabu-ah hian a buatsaihtute hian i thlalak an lo print tel nge ni i hmêl hlir a lang a!" a rawn tih leh chuan ka lo nui hak hak a.
"A nih ngei dawn chu! I zirlâi a hliah vek dawn sia, engvanga lo print tel ngawt nge maw an nih le?" nui hawk hawk chungin ka lo ti a.
"Ka ngâi tak zet che a ni!" thutak zeta a rawn tih tak supah chuan ka nui tawp chiang hle a.
"Kei paw'n..." ka tum lawk miah lohin ka sawichhuak a, a thaw hawk ri ka hriat chuan ka lo zam ve leh ngawt pek a!
"Ka thu hriat chu a dik em?"
"Umm..."
Hmai chhana inbia chu ni ila ka zak lutuk hmai sen ṭâwn ṭâwn chu a hmu ngei ang le!
"Tunah hian i bulah awm ila chuan kha i hmui fawh nawm hmel lutuk kha ka fawp chiang khawp ang!"
A aw pa lutuk tak mai leh a thil sawi chuan min timur chuai thei a, ka tukkhum leh bek chho vel chu a za chhuak chuai thei hial a ni!
"Engtikah nge i lo haw theih ang?" ka aw chu a ri chang chang a ni ber a, ka zamzia chu ka thup zo meuh lo chu a ni e.
"Thlatharah kârhnih vel chawlh kan nei dawn a, lo haw ka tum. Nangmah vang chu ni lo se ka lo haw lovang."
"Tak tak em?"
"Aw, dawt ka hrilh che i hre tawh em ni?"
"Ka sawi awmzia chu ..ih....englo...." ka riat liam ta vel mai mai a.
"Ka hrethiam e, min ngâi a, ka lo haw dawn vangin i lawm a ni tiraw?" a rawn tih chuan ka lo nui hak a.
"I sawi dik mai thei a ni."
Eng ang chiaha nasâ-in nge ka rawn duat dawn che tih chu lo nghak phawt mai rawh."
Ka lungawina zán turin min duat thiam ngei ang tih chu ka pawm thlap a, engtiang chiahin nge hmalam hun kan paldun ang tih erawh ka ngaihtuah phak bak a ni thung. Vawi tam kan la hmu lo naa ka hmuh leh hriat china a mizia chuan min hip tih ka pha lova, ka duhna hi nîtin a pung zel a ni tih pawh ka hai hek lo.
Min duh a ni tih ka hriat aṭangin ka endan a dang nghal a, keimaha amah ka duhna lo inup chu a rawn puakchhuak ta a ni ber a. A tirah a hriatthiam turin engmah sawi lo mah ila ka inthup sêng ta lova, ka rilru puthmang pawh a hranpaa ka sawichhuah ngâi lovin a hrethiam vek tawh tih ka hre mai a.
Kan inbe tam tial tial a, a ṭawngkam leh engkim mai chuan ka lung a ti-âwi a, amahah ka ngaihtuahna zawng zawng a awm a, hetiang rêng rënga ka duh mipa hi an la awm ngai lo a ni. Kan inbiak loh kârin ka ngâi a, kan inbiakin ka ngaihna a kiam chuang hek lo, ka duh ngawih ngawih ni maiin ka inhria a ni.
A tawp a tawpah chuan a rawn haw hun chu a thleng ve ta hram a, a chawlh hun chhûng a rei dâwn loh avangin a awm chhûng na na na chu am taka hman kan tumruh dun hle a, kei pawhin hunthâwl ka lo insiam lawk ve bawk a.
Kan ina a rawn len hmasak ber zan chuan ka lai ru angreng hle a, a hmaa kan inhmuh kha chuan ṭhian anga kan la inen avangin ka ri bawrh bawrh kha a ni a, tunah erawh a dan a dang ta hle a, min bia a nih loh chuan keima thua ṭawng pawh ka tum lova, sawi tur hre ṭeuh siin ka sawi thei lo a ni ber e.
Ka chhûngte mut hnua ka bula a rawn insawn phei chuan ka lo khur ru dar dar a, ka kuta a rawn vawn takah chuan ka lo ip deuh chaih a. Engmah sawi lovin ka khabe-ah dawmin chiang lutuk tak maiin ka mitah tak chuan min en a, rawn kunhniamin a hmuiin ka hmui chu a rawn bawhthuah a, dam raihin min fawp a.
Tun hi mipa-in min fawh vawikhatna a ni lova, pahnih pathum lâiin min lo fawp ve tawh a, tun ami ang rêng rênga keimaha danglamna thlen thei hi an la awm lo a ni. Ka taksa pum chu a mur chhuak vek a, min tawhna-in keimaha nghawng a neih nasatzia chu mak tih tham a tling hîal a ni.
"He i hmui nalh tak fawp chák chung hian zan engzat nge ka mut tawh i hria em? Ka lo beisei ang chiahin fawh a nuam hle bawk a ni," ti supin min fawh chhunzawm leh nghal a.
Min fawhna ka lo chhanlet ve takah chuan uar lehzualin min fawp a, duhthawh lutuk tak maia kan infawh takah chuan kan thaw pawh a mumal lo dun ta hle a, tihtawp a hun tih hria-in la kham lo ru tak chung chuan ka inlahrang ta a. Inngheng riala ṭhudunin zawitê tê-in kan ṭawngdun sep sep a.
A chawlh chhûng chu theih anga tam hun kan hmang dun a, ka chhûngte nen pawh an innêl hman hle a ni. A chhukthlak hma nî-ah chuan an ina lêng turin min sâwm a, ka huphurh êm avang chuan chhuanlam ka siamkual ngial a, engah mah ngai lovin min hruai ngei chu a tum nghet bur a. Ka nu lah chuan naupangchhia deuha awm lo tur leh min sawmna chu zahsak turin min lo ti ve bawk a, hreh rilru deuh chungin an ina lêng tura min rawn hruai chuan ka kal ta a.
An in chu ka lo ngaihtuah phak bakin a ropui a, a pa hi Officer pension a ni a, a nu nurse pension a ni bawk a, a farnu-in thawmhnaw dawr hmunhnihah a nei bawk a, khawsak harsa lo tur an ni tih chu a hriat mai a, ka lo rinphak bakin an in erawh a ṭha-in a changkang a ni.
Inchhûnga kan luh chuan a nu leh pa bakah nula pahnih an lo awm a, nula pahnih ka ti ngawt naa pakhat zawk chu nutling tawh hmel a pu mah a. A nu leh pa nena inhmêlhriatna chibai kan inbuk zawh hnu chuan an bulah chuan ṭhu ve-in a nu chuan min be nghal bawrh bawrh a, nu nelawm tak niin a lang a. A pa erawh vawihnih khat min bia tih loh chu a ṭawng ve vak lem lova, pa ṭawng tam lo ve tak a nih ka ring nghal mai a.
Hmeichhe pahnih lo awm vete chu a ṭul ṭul ti tura an ina awm ve an lo ni a, a nutling zawk chu lânga kal niin nula zawk erawhin a awmchilh thung a. An awmpuite an endanah chuan chhûngkaw sual an ni lo tih a lang reng a, chaldelh tak leh thupe aw taka be lovin ṭhian kawmin an kawm bawrh bawrh a, anni pawh chuan an duh duh sawiin an nui ho bawk bawk a, an mizia awmang chu ka hrethiam ve nghal deuh mai a ni.
A nu leh pa-in chhuahna tur an neih avanga insiam tura an room lama min luhsan hnu chuan ama room lamah min chhohpui ta a, ka lo rindan ang chiahin a room chu a nuam hle a, ka beisei ai erawh chuan a la zau cheu a ni!
Sofa lo inhûngah chuan ṭhudunin min fawp nghal tawn tawn a, kei pawhin lo chhânglet ve nghalin duhthawh lutuk tak mai chuan kan infawp ngawng ngawng a. Ka taksa chu chûlkualin ka âwmah a kut chu vah chhohtirin ka hnute chu ka kawr chhanah chuan a rawn tawk a, ka lo thaw halh a.
Min fawp uar telh telhin ka kawr chhana min tawh chu duhkhawp lovin ka taksa lawng chu a chûl ta a, min tawhna apîang mai chuan keimahah danglamna nasa lutuk a thlen zel avangin lo dang turin chakna ka nei lova, a kut lawnga ka hnute a rawn tawh takah chuan ka thaw hawk a, nghet lutukin ka lo kuahlet a.
Ka kawr chu hlimin ka kawrhnuai pawh chu a hlim tel nghal a, a hmuiin ka hnute hmur a fawh chiah chuan ka lo rumchhuak hak a, a samah chuan ka ṭham ngawt ngawt a. Keimaha zauthauna nasa lutuk lo awm chu dan ngaihna ka hre lova, min tawh ang ang chuan ka awm tawp a ni ber a, amah mamawh ngawih ngawiha min siam chu ka hriat awmchhun a ni rih mai a.
Thildang engmah ka rilru-ah a lut lova, khawnge ka awm mêk tih lah ka ngaihtuah pha hek lo. Ka taksa chûlkûala zei taka ka hnute a fawp chu ka hria a, a mitmeng pa lutuk tak maia min rawn en chuan tisa chákna a vangin a de sar sar a, a va han sexy chiang tak em!
Ka nu thusawi ka hrechhuak zawk a. "Eng anga kan duh leh hmangaih pawh ni se inneihna tello chuan kan thianghlimna hi kan hlan tur a ni lo. I nulat chhûnga zahawma sîamtu che, kha i thianghlimna kha i hlan a nih chuan engtikah mah i la let leh thei tawh ngai dawn lova, inthiamlohna lian tak nangmahah khan a awm reng tawh mai dawn a ni. Chu inthiamlohna ser nung chu nei lo turin fimkhur la, i vandi duh lo chung chu tuman i thianghlimna kha an chhuhsak thei lo che tih hrereng ang che."
Ka kuahna chu lasawnin min rawn fawh a tum chuan ka lo thlesawn a, ka awmdan danglam ta chu hrethiam ve nghalin ka chungah chuan a bawk thlawp a, kan thaw dun hawk hawk a. Tlêma kan ziaawm deuh hnu chuan tho chhuakin ka thawmhnaw a hlim chu min pawhthlaksakin amah chuan a siamṭha mawlh mawlh a, min pawttho ve nghalin min kuah vang vang a.
"Ka tihpalh aw! Ka tawh che leh fawh ringawt che pawha ka taksaa danglamna i thlen nasat theihzia chu i hriat kha, insum thei lo lêkin he i taksa duhawm lutuk ka tawh hi chuan ka awm ṭhin a, min lo dang hlauh lo la chu...."
"Keima thiam loh zawk alawm, khatianga hmeichhia inphal hmel taka lo dawngsawngtu lakah chuan tu mipa pawhin khatiang khan an ti vek ang," ka aw chu a la khur dar dar a.
Ka hmuiah chuan a rawn fawp leh vawng vawng a, chutah ka biang tawna dawmin chiang takin ka mitah chuan min en a.
"Ka zir zawh hun thleng min lo nghak thei ang em?" zawi supin a ti a, a zawi naa a fiah ṭha êm êm thung.
Ka lû chu ka lo bu nghat a, engvang tehlulin nge hetiang mipa ṭha lutuk leh ka hmangaih hi ka lo nghah theih loh ang ni! Ka hmangaih tih ka inhrechiang tawh a, ka tâna khuanu ruat a nih ngei pawh ka ring nghet hmiah bawk a ni.
Haw ka duh thu ka sawi chuan min hnial lovin min thlah haw ve mai a, fianriala kan awmdun reng a nih chuan kan inhiptawnna nasa lutuk avangin kan duh loh danin kan awm mai ang tih ka hlau a, chuvanga haw rawt ta vat ka ni a.
Kan in kan thlen chuan rei awm lovin a haw leh ta nghal a, ka nu-in chaw ei ve tura a sawmna chu a hnial a, a chhukthlak leh hmaa a chhûngte nena an chaw eiho hnuhnung ber tur a nih avangin a ngâi pawimawh hle a ni tih a sawi zauh bawk. Ka nu chuan a ngaihdan chu a pawmpui hle a, a kal tak hnu chuan a fak zui chiam a, ka lo chhûang rilru ve hle a.
Zanah chuan a tuk maia a chhuk tawh dawn avangin zan dang zawng aiin a lêng rei a, a haw tur ka thlah chu a motor bulah ding leh rengin kan infawp kham thei lo a ni ber a. A chhuk hnu-a ka lunglen dan tur chu ka ngaihtuah ngam lo zawk hial a ni.
A chhuk aṭangin kâr tam a la liam lo tihah chuan a hmaa ka taksa chau leh ni nghulh ṭhin chu a rawn awm lah ṭan a, khawsikin min ṭham er er reng bawk a, ka thil ei pawh a tui lovin ka harhvang lo hle a. Zan lama khawsik ka neih leh tak zeuh zeuhah chuan ka chhüngte chuan inentîr turin min hruai leh ta ngawt a. A hmaa ka damdawi ei chu min thlaksakin a chi dang min chawh a, zia ve leh mai inringin kan haw leh ta a.
Hriatzuala ka ngâi hle a, a zirlâi a hautak bakah project buaipui a ngaih avangin kan inbe khât deuh a, ka nawm kan inbiak tam deuh pawha ka ngaih tehreng nen inbiak khât phei chuan ka ngâi lutuk chu hrehawm tak a ni. Ka dam ṭha bawk si lo nen a aw hriata a laka han pangchan velte chu ka chák a, a buai avangin ka tân pangchanna hun a awm der si lo.
Ka khua a sik leh avangin damdawite ka ei zawh hnu chuan ka mu a, ka nu leh ka pa chu mitthi inah an kal a, u Marini chu a bialpa Mabiaka a rawn len avangin ka hrilh duh lem lova, ngâwi rengin ka mu a.
Hriatzuala ka ngaih êm avang chuan ka lunglen zual chânga ka tih fo ṭhin angin a hmaa kan inbiakna vel chu ka chhiar leh a, chutia ka chhiar lai chuan ka beisei loh lutukin min rawn bia a.
"I hman em?" a rawn ti a.
"Umm.."
"Ka lo call ang che.."
"Aw le...."
Min rawn call chuan ka lo chhâng nghal vat a.
"I buai lo em ni?" ka lo ti nghal táwng a.
"Ka be chák lutuk che a, ka tihtur ṭhenkhat Ramesh-a ka tihtir a, ka lo bia che a nih hi."
"I zirlâi tibuaitu nih ka duh lo a nia aw!"
"Umm....ka hria alawm. I aw chu a va dik lo ve! I dam ṭha lo em ni?"
"Umm.... ka khua a sik leh deuh a.."
"Damdawi i ei em?"
"Ei e..."
"I chauh hmel sia, kan duhtawk rih mai dawn em ni ang?" A aw-a min ngaihtuahna lo lang chuan ka hnuk a tiulh a, ka mittui a tla lo chauh a ni.
"Aih, inbiak ka la duh."
"I zia deuh hunah kan inbe leh thei alawm."
"Aih, ka ngai che alawm!"
"Kei pawhin ka ngâi che."
"Ka ngâi lutuk che!" Ka mittui tla tur chu ka dang zo lova.
Sbk Pachuau
Chapter 4
Zingkârah chuan kan inentîr ta ngei a, ka zun leh thisente test turin an la a, ka khawsik huna eitur damdawi min chawh a, test result chhuah huna kal leh turin kan haw ta a.
Ka khawsik chu a ziaawm chhoh takah chuan ka lawm hle a, tunhmâ-in khatiang ëm êma nasa khan ka khûa a la sik ngai lova, ka khawsik lâia ka awmdan kha hrehawm ka tih êm avangin sik tawh lo hram se ka ti hle a ni.
Chawhnu lamah chuan thilte eiin ka inbûal a, ka zia chho zel tura ngaiin ka nu chu a lawm hle a. Ka u Marini leh ka pa pawh chuan min ngaihtuah deuh avangin office aṭangin min rawn bia a, ka khawsik a awm rih loh thu ka lo hrilh chuan an lawm ve hle a, chhûngkuaa naupang ber ka nih vang hian duat rawn leh ngaihtuah rawn hi ka ni ve tlat a ni.
Kan unâu hi pathum niin kan upa ber mipa a ni a, Higher secondary-ah thawkin Serchhipah a awm mêk a, Aizâwla a awm ve theih hun kan nghakhlel ve hle a. Ka pa hian a hmelhriat leh ṭhianṭhate kaltlangin a duh phawt chuan a sawntîr thei a, corruption chikhat a ni a tih tlat avangin sorkâr-in a sawn hun kan nghak tawp mai ani.
Ka u Marini chuan B.A a zawh rualin hna a zawng nghal a, PHE department-in LDC an lak tur chu dil ve-in a tling ve hlauh a. Eng emaw chen LDC hna a thawh hnu-in la thawk reng chung chuan UDC exam a bei ve a, vanneihthlak takin a inziak tling ve hlauh a, tunah hian UDC niin PHE office pui ber Tuikhuahtlângah a thawk mêk a ni.
Ka pa hi High school headmaster niin a pension ve ṭep tawh a, ka nu erawh inchhûng enkawltu niin engkim a ti a, a fate min enkawl bakah a pasal a tilawm reng thei bawk a. Ka pa hi a zahthiam hle a, kan naupanlâi aṭanga tunhnu thleng hian ka pa nena thinur hmaisena an inhauh hi ka la hre lo a ni.
Zana Hriatzuala nena kan inbiak chuan exam a neih dawn avangin kan inbe rei lova, ka ṭha em tia min zawh chuan a hma zana ka khawsik chungchâng pawh chu ka hrilh duh ta lova. Kan inbe rei emaw rei lo emaw keimahah danglamna a awm lem lova, a chhan chu, engtik lâi mai pawh hian ka ngâi lutuk tlat tawh a ni!
A zirlâiah insawrbing a duh vanga min rawn biak khat deuh tur thu a sawi chuan ka lunghnûr ru vîau a, lehlamah a zirlâi ṭha takin zir se tih chu ka duhthusam a ni lawi bawk si a. Kan inbiak loh chhûnga ka ngaih turzia erawh hrilh lo turin ka insûm thei hram a.
Nihnih lâi chu ka khawsik a awm leh ta lova, a reh mai turah ngâiin ka lawm hle a, ka thisen leh zun an testna result a ṭha vek bawk nen ka dam chho zel turah ka ngai a. Taksa han chauh deuh thut leh nuam lo ser ser chu nei ṭhin mah ila a nasat lem loh avangin ka chhûngte pawh ka hrilh duh lem lova.
Min be khât deuh tawh dawn nia insawi si kha min be lovin a awm thei bik lo nge min rawn be reng tho a, kei lahin ka lo thlahlel ve tho bawk si nen kan inbe leh reng zel a, a zirlâi a tihchhiat phah ang tih erawh chu ka hlau angreng hle a.
"I zirlâi i tihchhiat phah hlauh ang e aw! In exam chhûng chu inbe tam lo deuh ila a pawi miah lo a nia," ka tih chuan a thaw hawk ri chu ka hre thei a.
"Ka thiam thawkhat tawh alawm. Chubakah, i aw hre lova rei tak awm ka duh lo!" a rawn ti sup a.
"I thiam tawh chuan a ṭha alawm! Mahse, kan inbiak hun chhûng ang hi zir belhnan hmang ta zawk la i tiṭha zual dawn asin!"
"Min be chak vak lo a nih chuan sawi tlang mai la, khatia chhuanlam siamkual lo khan," a rawn tih tak hmukah chuan ka thil sawi chu a ngai dik lo tih ka hrethiam nghal mai a.
"Ka biak chak loh vang che a ni lova, i zirlâi tibuaitu nih ka hlauh vang chauh zawka sawi ka ni e," ka lo ti vat a.
"Aw le, a ṭha alawm. Ka lehkhabu-ah hian a buatsaihtute hian i thlalak an lo print tel nge ni i hmêl hlir a lang a!" a rawn tih leh chuan ka lo nui hak hak a.
"A nih ngei dawn chu! I zirlâi a hliah vek dawn sia, engvanga lo print tel ngawt nge maw an nih le?" nui hawk hawk chungin ka lo ti a.
"Ka ngâi tak zet che a ni!" thutak zeta a rawn tih tak supah chuan ka nui tawp chiang hle a.
"Kei paw'n..." ka tum lawk miah lohin ka sawichhuak a, a thaw hawk ri ka hriat chuan ka lo zam ve leh ngawt pek a!
"Ka thu hriat chu a dik em?"
"Umm..."
Hmai chhana inbia chu ni ila ka zak lutuk hmai sen ṭâwn ṭâwn chu a hmu ngei ang le!
"Tunah hian i bulah awm ila chuan kha i hmui fawh nawm hmel lutuk kha ka fawp chiang khawp ang!"
A aw pa lutuk tak mai leh a thil sawi chuan min timur chuai thei a, ka tukkhum leh bek chho vel chu a za chhuak chuai thei hial a ni!
"Engtikah nge i lo haw theih ang?" ka aw chu a ri chang chang a ni ber a, ka zamzia chu ka thup zo meuh lo chu a ni e.
"Thlatharah kârhnih vel chawlh kan nei dawn a, lo haw ka tum. Nangmah vang chu ni lo se ka lo haw lovang."
"Tak tak em?"
"Aw, dawt ka hrilh che i hre tawh em ni?"
"Ka sawi awmzia chu ..ih....englo...." ka riat liam ta vel mai mai a.
"Ka hrethiam e, min ngâi a, ka lo haw dawn vangin i lawm a ni tiraw?" a rawn tih chuan ka lo nui hak a.
"I sawi dik mai thei a ni."
Eng ang chiaha nasâ-in nge ka rawn duat dawn che tih chu lo nghak phawt mai rawh."
Ka lungawina zán turin min duat thiam ngei ang tih chu ka pawm thlap a, engtiang chiahin nge hmalam hun kan paldun ang tih erawh ka ngaihtuah phak bak a ni thung. Vawi tam kan la hmu lo naa ka hmuh leh hriat china a mizia chuan min hip tih ka pha lova, ka duhna hi nîtin a pung zel a ni tih pawh ka hai hek lo.
Min duh a ni tih ka hriat aṭangin ka endan a dang nghal a, keimaha amah ka duhna lo inup chu a rawn puakchhuak ta a ni ber a. A tirah a hriatthiam turin engmah sawi lo mah ila ka inthup sêng ta lova, ka rilru puthmang pawh a hranpaa ka sawichhuah ngâi lovin a hrethiam vek tawh tih ka hre mai a.
Kan inbe tam tial tial a, a ṭawngkam leh engkim mai chuan ka lung a ti-âwi a, amahah ka ngaihtuahna zawng zawng a awm a, hetiang rêng rënga ka duh mipa hi an la awm ngai lo a ni. Kan inbiak loh kârin ka ngâi a, kan inbiakin ka ngaihna a kiam chuang hek lo, ka duh ngawih ngawih ni maiin ka inhria a ni.
A tawp a tawpah chuan a rawn haw hun chu a thleng ve ta hram a, a chawlh hun chhûng a rei dâwn loh avangin a awm chhûng na na na chu am taka hman kan tumruh dun hle a, kei pawhin hunthâwl ka lo insiam lawk ve bawk a.
Kan ina a rawn len hmasak ber zan chuan ka lai ru angreng hle a, a hmaa kan inhmuh kha chuan ṭhian anga kan la inen avangin ka ri bawrh bawrh kha a ni a, tunah erawh a dan a dang ta hle a, min bia a nih loh chuan keima thua ṭawng pawh ka tum lova, sawi tur hre ṭeuh siin ka sawi thei lo a ni ber e.
Ka chhûngte mut hnua ka bula a rawn insawn phei chuan ka lo khur ru dar dar a, ka kuta a rawn vawn takah chuan ka lo ip deuh chaih a. Engmah sawi lovin ka khabe-ah dawmin chiang lutuk tak maiin ka mitah tak chuan min en a, rawn kunhniamin a hmuiin ka hmui chu a rawn bawhthuah a, dam raihin min fawp a.
Tun hi mipa-in min fawh vawikhatna a ni lova, pahnih pathum lâiin min lo fawp ve tawh a, tun ami ang rêng rênga keimaha danglamna thlen thei hi an la awm lo a ni. Ka taksa pum chu a mur chhuak vek a, min tawhna-in keimaha nghawng a neih nasatzia chu mak tih tham a tling hîal a ni.
"He i hmui nalh tak fawp chák chung hian zan engzat nge ka mut tawh i hria em? Ka lo beisei ang chiahin fawh a nuam hle bawk a ni," ti supin min fawh chhunzawm leh nghal a.
Min fawhna ka lo chhanlet ve takah chuan uar lehzualin min fawp a, duhthawh lutuk tak maia kan infawh takah chuan kan thaw pawh a mumal lo dun ta hle a, tihtawp a hun tih hria-in la kham lo ru tak chung chuan ka inlahrang ta a. Inngheng riala ṭhudunin zawitê tê-in kan ṭawngdun sep sep a.
A chawlh chhûng chu theih anga tam hun kan hmang dun a, ka chhûngte nen pawh an innêl hman hle a ni. A chhukthlak hma nî-ah chuan an ina lêng turin min sâwm a, ka huphurh êm avang chuan chhuanlam ka siamkual ngial a, engah mah ngai lovin min hruai ngei chu a tum nghet bur a. Ka nu lah chuan naupangchhia deuha awm lo tur leh min sawmna chu zahsak turin min lo ti ve bawk a, hreh rilru deuh chungin an ina lêng tura min rawn hruai chuan ka kal ta a.
An in chu ka lo ngaihtuah phak bakin a ropui a, a pa hi Officer pension a ni a, a nu nurse pension a ni bawk a, a farnu-in thawmhnaw dawr hmunhnihah a nei bawk a, khawsak harsa lo tur an ni tih chu a hriat mai a, ka lo rinphak bakin an in erawh a ṭha-in a changkang a ni.
Inchhûnga kan luh chuan a nu leh pa bakah nula pahnih an lo awm a, nula pahnih ka ti ngawt naa pakhat zawk chu nutling tawh hmel a pu mah a. A nu leh pa nena inhmêlhriatna chibai kan inbuk zawh hnu chuan an bulah chuan ṭhu ve-in a nu chuan min be nghal bawrh bawrh a, nu nelawm tak niin a lang a. A pa erawh vawihnih khat min bia tih loh chu a ṭawng ve vak lem lova, pa ṭawng tam lo ve tak a nih ka ring nghal mai a.
Hmeichhe pahnih lo awm vete chu a ṭul ṭul ti tura an ina awm ve an lo ni a, a nutling zawk chu lânga kal niin nula zawk erawhin a awmchilh thung a. An awmpuite an endanah chuan chhûngkaw sual an ni lo tih a lang reng a, chaldelh tak leh thupe aw taka be lovin ṭhian kawmin an kawm bawrh bawrh a, anni pawh chuan an duh duh sawiin an nui ho bawk bawk a, an mizia awmang chu ka hrethiam ve nghal deuh mai a ni.
A nu leh pa-in chhuahna tur an neih avanga insiam tura an room lama min luhsan hnu chuan ama room lamah min chhohpui ta a, ka lo rindan ang chiahin a room chu a nuam hle a, ka beisei ai erawh chuan a la zau cheu a ni!
Sofa lo inhûngah chuan ṭhudunin min fawp nghal tawn tawn a, kei pawhin lo chhânglet ve nghalin duhthawh lutuk tak mai chuan kan infawp ngawng ngawng a. Ka taksa chu chûlkualin ka âwmah a kut chu vah chhohtirin ka hnute chu ka kawr chhanah chuan a rawn tawk a, ka lo thaw halh a.
Min fawp uar telh telhin ka kawr chhana min tawh chu duhkhawp lovin ka taksa lawng chu a chûl ta a, min tawhna apîang mai chuan keimahah danglamna nasa lutuk a thlen zel avangin lo dang turin chakna ka nei lova, a kut lawnga ka hnute a rawn tawh takah chuan ka thaw hawk a, nghet lutukin ka lo kuahlet a.
Ka kawr chu hlimin ka kawrhnuai pawh chu a hlim tel nghal a, a hmuiin ka hnute hmur a fawh chiah chuan ka lo rumchhuak hak a, a samah chuan ka ṭham ngawt ngawt a. Keimaha zauthauna nasa lutuk lo awm chu dan ngaihna ka hre lova, min tawh ang ang chuan ka awm tawp a ni ber a, amah mamawh ngawih ngawiha min siam chu ka hriat awmchhun a ni rih mai a.
Thildang engmah ka rilru-ah a lut lova, khawnge ka awm mêk tih lah ka ngaihtuah pha hek lo. Ka taksa chûlkûala zei taka ka hnute a fawp chu ka hria a, a mitmeng pa lutuk tak maia min rawn en chuan tisa chákna a vangin a de sar sar a, a va han sexy chiang tak em!
Ka nu thusawi ka hrechhuak zawk a. "Eng anga kan duh leh hmangaih pawh ni se inneihna tello chuan kan thianghlimna hi kan hlan tur a ni lo. I nulat chhûnga zahawma sîamtu che, kha i thianghlimna kha i hlan a nih chuan engtikah mah i la let leh thei tawh ngai dawn lova, inthiamlohna lian tak nangmahah khan a awm reng tawh mai dawn a ni. Chu inthiamlohna ser nung chu nei lo turin fimkhur la, i vandi duh lo chung chu tuman i thianghlimna kha an chhuhsak thei lo che tih hrereng ang che."
Ka kuahna chu lasawnin min rawn fawh a tum chuan ka lo thlesawn a, ka awmdan danglam ta chu hrethiam ve nghalin ka chungah chuan a bawk thlawp a, kan thaw dun hawk hawk a. Tlêma kan ziaawm deuh hnu chuan tho chhuakin ka thawmhnaw a hlim chu min pawhthlaksakin amah chuan a siamṭha mawlh mawlh a, min pawttho ve nghalin min kuah vang vang a.
"Ka tihpalh aw! Ka tawh che leh fawh ringawt che pawha ka taksaa danglamna i thlen nasat theihzia chu i hriat kha, insum thei lo lêkin he i taksa duhawm lutuk ka tawh hi chuan ka awm ṭhin a, min lo dang hlauh lo la chu...."
"Keima thiam loh zawk alawm, khatianga hmeichhia inphal hmel taka lo dawngsawngtu lakah chuan tu mipa pawhin khatiang khan an ti vek ang," ka aw chu a la khur dar dar a.
Ka hmuiah chuan a rawn fawp leh vawng vawng a, chutah ka biang tawna dawmin chiang takin ka mitah chuan min en a.
"Ka zir zawh hun thleng min lo nghak thei ang em?" zawi supin a ti a, a zawi naa a fiah ṭha êm êm thung.
Ka lû chu ka lo bu nghat a, engvang tehlulin nge hetiang mipa ṭha lutuk leh ka hmangaih hi ka lo nghah theih loh ang ni! Ka hmangaih tih ka inhrechiang tawh a, ka tâna khuanu ruat a nih ngei pawh ka ring nghet hmiah bawk a ni.
Haw ka duh thu ka sawi chuan min hnial lovin min thlah haw ve mai a, fianriala kan awmdun reng a nih chuan kan inhiptawnna nasa lutuk avangin kan duh loh danin kan awm mai ang tih ka hlau a, chuvanga haw rawt ta vat ka ni a.
Kan in kan thlen chuan rei awm lovin a haw leh ta nghal a, ka nu-in chaw ei ve tura a sawmna chu a hnial a, a chhukthlak leh hmaa a chhûngte nena an chaw eiho hnuhnung ber tur a nih avangin a ngâi pawimawh hle a ni tih a sawi zauh bawk. Ka nu chuan a ngaihdan chu a pawmpui hle a, a kal tak hnu chuan a fak zui chiam a, ka lo chhûang rilru ve hle a.
Zanah chuan a tuk maia a chhuk tawh dawn avangin zan dang zawng aiin a lêng rei a, a haw tur ka thlah chu a motor bulah ding leh rengin kan infawp kham thei lo a ni ber a. A chhuk hnu-a ka lunglen dan tur chu ka ngaihtuah ngam lo zawk hial a ni.
A chhuk aṭangin kâr tam a la liam lo tihah chuan a hmaa ka taksa chau leh ni nghulh ṭhin chu a rawn awm lah ṭan a, khawsikin min ṭham er er reng bawk a, ka thil ei pawh a tui lovin ka harhvang lo hle a. Zan lama khawsik ka neih leh tak zeuh zeuhah chuan ka chhüngte chuan inentîr turin min hruai leh ta ngawt a. A hmaa ka damdawi ei chu min thlaksakin a chi dang min chawh a, zia ve leh mai inringin kan haw leh ta a.
Hriatzuala ka ngâi hle a, a zirlâi a hautak bakah project buaipui a ngaih avangin kan inbe khât deuh a, ka nawm kan inbiak tam deuh pawha ka ngaih tehreng nen inbiak khât phei chuan ka ngâi lutuk chu hrehawm tak a ni. Ka dam ṭha bawk si lo nen a aw hriata a laka han pangchan velte chu ka chák a, a buai avangin ka tân pangchanna hun a awm der si lo.
Ka khua a sik leh avangin damdawite ka ei zawh hnu chuan ka mu a, ka nu leh ka pa chu mitthi inah an kal a, u Marini chu a bialpa Mabiaka a rawn len avangin ka hrilh duh lem lova, ngâwi rengin ka mu a.
Hriatzuala ka ngaih êm avang chuan ka lunglen zual chânga ka tih fo ṭhin angin a hmaa kan inbiakna vel chu ka chhiar leh a, chutia ka chhiar lai chuan ka beisei loh lutukin min rawn bia a.
"I hman em?" a rawn ti a.
"Umm.."
"Ka lo call ang che.."
"Aw le...."
Min rawn call chuan ka lo chhâng nghal vat a.
"I buai lo em ni?" ka lo ti nghal táwng a.
"Ka be chák lutuk che a, ka tihtur ṭhenkhat Ramesh-a ka tihtir a, ka lo bia che a nih hi."
"I zirlâi tibuaitu nih ka duh lo a nia aw!"
"Umm....ka hria alawm. I aw chu a va dik lo ve! I dam ṭha lo em ni?"
"Umm.... ka khua a sik leh deuh a.."
"Damdawi i ei em?"
"Ei e..."
"I chauh hmel sia, kan duhtawk rih mai dawn em ni ang?" A aw-a min ngaihtuahna lo lang chuan ka hnuk a tiulh a, ka mittui a tla lo chauh a ni.
"Aih, inbiak ka la duh."
"I zia deuh hunah kan inbe leh thei alawm."
"Aih, ka ngai che alawm!"
"Kei pawhin ka ngâi che."
"Ka ngâi lutuk che!" Ka mittui tla tur chu ka dang zo lova.
Comments
Post a Comment